Turbo

Okkara 5.flokkur luttók 12.nov. í kappingini First Lego League. Ein so góður dagur at minnast aftur á hjá teimum. Tað eydnaðist liðnum, sum kallaði seg TURBO, at vinna eitt steyp fyri kjarnuvirðir. Vit ynskja teimum hjartaliga til lukku.

Heystið

Vikurnar eftir heystfrítíðina viðgjørdu vit heystið í tvørfakligu tímunum. - Vit hava havt vitjan av Beintu Højsted, sum segði okkum frá, um at taka slakt upp. Eisini var Marcus Clementsen og segði frá, um at ganga burtur í haga og um rakstur. Tvær so avbera góðar og læruríkar framløgur. - Vit hava verið og tikið epli upp í veltuni hjá Ottar. - Vit flettu bein, so vit kunnu garvað skinn seinni. - Arbeiðið endaði við eini væleydnaðari heystfest. Nakrar myndir eru her.

Søga og søgn

Seinastu mánadagarnar hava vit havt evnið “Søga og søgn” á skránni. Vit hava gjøgnumgingið fleiri sagnir úr nærumhvørvinum - Runta og hvussu lógarverkið fyrr og nú sær út - Kálv Lítla og hansara mongu avbjóðandi gerðir - Húsfrúnna í Húsavík og hennara ríkidømi. Eisini høvdu vit ein frálíkan skúladag í Húsavík, takk fyri ómakin Kristina á Reynatúgvu.

Fleiri myndir her

Renningardagur 2022

Í góðveðrinum fríggjadagin var renningardagur. Ein góður túrur. Summi runnu við tann spentarál allan vegin, meðan onnur góvu sær stundir at hyggja at ymiskum á leiðini. Fleiri myndir her

Læraradagur 2022

Mikudagin 9. november hava allir flokkar frí vegna árliga læraradagin, sum er í Norðurlandahúsinum.

Útilív

Okkara fyrsta tvørfakliga verkætlan í ár kallast “Útilív”. Vit hava brúkt hesar fyrstu tveir mánadagarnar at venja børnini eitt sindur við okkara nýggju tímatalvu. Myndirnar her vísa eitt sindur av tí vit hava tykist við.

Foreldrafundir

Fyrstu foreldrafundirnir í ár verða í komandi viku.

Fyri 1. og 2. flokki verður fundurin týskvøldið kl 19

Broyting!!! Fyri 3., 4. og 5. flokki verður fundurin týskvøldið kl 20

1. skúladagur 2022

Í dag komu 5 fitt børn í 1. flokk.

Vit ynskja teimum alt tað besta við nýggju avbjóðingini.

fleiri myndir

Musikkskúlin

Musikkskúlin boðar frá at nú er tíð at melda nýggjar næmingar til musikkundirvísing.

Tað eru ítøkulig pláss til klaver, men eisini kan man skriva seg upp til violin,floytu og guitar.

Kunning er á heimasíðuni (sandmus.fo) ella við at ringja til Ragnar á tlf 229883.

Skúlabyrjan 2022

Skúlagongdin byrjar aftur hósdagin 18. august.

1. flokkur møtir kl 11, hinir flokkarnir møta klokkan 10

Ol-dagar

Ol-dagarnir endaðu í allar fagrasta veðri hósdagin.

Vit høvdu ein einastandandi dag við skrúðgongu, røðu, framførslum og endaðu við kappingum niðri á Sand.

Góða summarferiu.

her er ein filmsfrásøgn frá degnum

Plantukassar

Garðdagin varð mold fylt í plantukassar. Og nú í góða veðrinum, sum var í síðstu viku, vóru nakrar av plantunum, sum børnini hava sett niður inni, settar út. Spennandi verður hvussu fer at hilnast.

Djóravitjan

Fríggjadagin høvdu vit forvitnisliga vitjan í skúlanum. Teodora eigur 3 so fittar kettlingar, sum sluppu við í skúlan.

Skúlaleikir

4. og 5. flokkur hava verið til Skúlaleikir. Báðir flokkar høvdu ein stuttligan og spennandi dag, har tey spældu, kappaðust og hugnaðu sær, saman við javnaldrum úr miðstaðarøkinum. 4.flokkur luttók í flogbólti og frælsum ítrótti, meðan 5.flokkur luttók í rógving og badminton. Børnini í 4.flokki sluppu eisini at royna seg sum skiparar á Teistanum. Fleiri myndir eru her. Seinna dagin var Barnaútvarpið og tosaði við nøkur av 5.floks børnunum. Hoyr samrøðuna her

112-dagur

1., 2. og 3. flokkur hava verið til 112-dag í dag. SSP skipar dagin. Ein stuttligur dagur, sum endaði við skúmi upp um bæði oyru. Fleiri myndir her

Garðdagur

Túsund takk øll.

Lati myndirnar tala, nú kvøldið kemur og skúlagarðurin er sum ein dreymur tykkum øllum at takka. Hvat kunnu vit ikki útrætta bara vit standa saman. Nakað glað verða børnini at fara út í fríkorter í morgin. Enn eina ferð stóra tøkk.